Eŭraźviaz prymie abmiežavalnyja sankcyi suprać kiraŭnictva Biełarusi
Tema Biełarusi siońnia šyroka prahučała na samicie kiraŭnikoŭ Eŭraźviazu ŭ Bruseli
Lidery Eŭraźviazu zhadzilisia ŭvieści novyja sankcyi suprać Biełarusi, uklučajučy kiraŭnika krainy Alaksandra Łukašenki. Takoje rašeńnie było pryniataje paśla razhonu pałatačnaha haradku na Kastryčnickim placy ŭ Miensku. Ab hetym havorycca ŭ zajavie dziaržaŭnych i ŭradavych kiraŭnikoŭ krainaŭ EZ, pryniataj siońnia na samicie ŭ Bruseli.
Ministarka zamiežnych spravaŭ Aŭstryi, jakaja ciapier staršyniuje ŭ EZ, zajaviła, što sankcyi buduć mieć abmiežavalny charaktar i buduć tyčycca tych, chto parušyŭ mižnarodnyja vybarčyja standarty, uklučajučy prezydenta Łukašenku. Płaśnik, adnak, nie paviedamiła padrabiaznaściaŭ.
Eŭrapiejskija lidery vykazali svaju zakłapočanaść siońniašnimi aryštami. Jany rezka skrytykavali šmatlikija parušeńni, jakija naziralisia padčas prezydenckich vybaraŭ u Biełarusi i zapatrabavali ad biełaruskaha kiraŭnictva pavažać svabodu słova, mitynhaŭ i schodaŭ.
Raniej siońnia Ŭrsuła Płaśnik, ministarka zamiežnych spravaŭ Aŭstryi, jakaja ciapier staršyniuje ŭ EZ, zaklikała terminova vyzvalić zatrymanych unačy apanentaŭ biełaruskaha režymu.
Ministar zamiežnych spravaŭ Niamieččyny Frank-Valter Štajnmajer prapanavaŭ zaprasić lidera biełaruskaj apazycyi Alaksandra Milinkieviča na nastupny samit ministraŭ zamiežnych spravaŭ EZ 10 krasavika.