Mocnyja śniehapady i viecier čakajucca na Homielščynie, ale cykłon budzie nie taki, jak «Chavier»

21.03.2013 / 20:48

U bližejšyja try dni ŭmovy nadvorja na paŭdniovym uschodzie Biełarusi budzie farmiravać aktyŭny paŭdniovy cykłon,

paviedamiła hałoŭny sinoptyk Respublikanskaha hidramieteacentra Ludmiła Paraščuk.

«Hety cykłon nie taki aktyŭny, jak „Chavier“, — rastłumačyła Ludmiła Paraščuk — Asnoŭnuju niepahodu jon pryniasie va Ukrainu, adnak i ŭ paŭdniova-ŭschodnich rehijonach našaj krainy ź im buduć źviazany składanyja ŭmovy nadvorja».

U piatnicu pa paŭdniovym uschodzie Biełarusi budzie iści śnieh, uzmocnicca viecier z paryvami da 15–18 m/s, miescami čakajecca zavirucha.

U paŭdniova-ŭschodnich rajonach Homielskaj vobłaści i ŭ Homieli ŭ dzionny čas čakajucca mocnyja śniehapady i śniežnyja zanosy. U subotu ŭ hetych rehijonach zachavajucca składanyja ŭmovy nadvorja — mocny śnieh, paryvisty viecier, miacielica i śniežnyja zanosy. U niadzielu intensiŭnaść śniehapadaŭ źmienšycca, pastupova ścichnie viecier.

Astatniaja terytoryja Biełarusi apyniecca pad abaronaj pola pavyšanaha cisku, sfarmiravanaha chałodnym arktyčnym pavietram. Istotnych apadkaŭ nie prahnazujecca.

Tempieratura pavietra ŭ piatnicu nočču składzie minus 9–15 hradusaŭ, pa poŭnačy miescami 16–20 marozu, pa poŭdni — minus 5–8. Dniom prahnazujecca 4–9 hradusaŭ sa znakam minus.

U subotu taksama budzie choładna: nočču minus 9–15, pry prajaśnieńniach 16–20 marozu,

dniom ad 0 da minus 6 hradusaŭ, pa ŭschodzie da 8 marozu. Chałodnaje nadvorje zachavajecca ŭ niadzielu i ŭ pieršaj pałavinie nastupnaha tydnia.

Jak adznačyła Ludmiła Paraščuk, «u Biełarusi ciapierašniaja tempieratura na 5–10 hradusaŭ

nižejšaja za klimatyčnuju normu dla hetych dataŭ sakavika i bolš adpaviadaje siaredzinie studzienia».

Čytajcie taksama:

Kamientary da artykuła