Minfin Kipra abviaściŭ pra pravał pieramovaŭ u Maskvie
Michalis Sarys kala budynka Ministerstva finansaŭ u Maskvie
Kipr nie atrymaŭ ad Rasii finansavaj dapamohi. Jak paviedamlaje Bloomberg, pra heta zajaviŭ ministr finansaŭ Michalis Sarys. Tym nie mienš, pavodle jaho słoŭ, Rasija ŭsio jašče moža pierahledzieć svajo rašeńnie i dać kredyt, abo źmianić umovy raniejšaha kredytu. Sarys dadaŭ, što pakul Kipr nie hatovy całkam admovicca ad rasijskaj dapamohi.
Ministr finansaŭ Kipra Michalis Sarys vioŭ pieramovy ab pradastaŭleńni kredytu ŭ Maskvie z 20 sakavika. U pryvatnaści, jon sustrakaŭsia ź ministram finansaŭ Rasii Antonam Siłuanavym i pieršym vice-premjeram Iharam Šuvałavym. 22 sakavika kiprskaja delehacyja pavinna viarnucca dadomu.
Kipr raźličvaŭ na restrukturyzacyju kredytu ŭ 2,5 młrd jeŭra, atrymanaha respublikaj ŭ Rasii ŭ 2011 hodzie, a taksama na novuju pazyku ŭ piać miljardaŭ. Srodki patrebnyja respublicy na pieraadoleńnie finansavaha kryzisu.
Sarys kazaŭ, što Kipr maje namier prapanavać Rasii doli ŭ bankach i hazavych radoviščach u abmien na inviestycyi.