Labiedźka i Rymašeŭski razdajuć ŭlotki da Dnia Voli — videa
Lidary i aktyvisty apazicyi zaprašali minakoŭ na vulicach dałučycca da akcyi 24 sakavika.
22 sakavika 2013 hoda la Kamaroŭskaha rynka apazicyjnyja palityki i aktyvisty razdavali ŭlotki da Dnia Voli. Siarod ich — lidar partyi AHP Anatol Labiedźka, sustaršynia BCHD Vital Rymašeŭski, Uładzimier Lemieš («Jeŭrapiejskaja Biełaruś») i Źmicier Kavałhin («Maładyja demakraty»).
Supracoŭniki milicyi nie zaminali raspaŭsiudžvać ŭlotki. Adnak pravieryli i pierapisali dadzienyja ŭ žurnalistaŭ «Našaj Nivy». Padčas hetaha ich pačaŭ zdymać na mabilny telefon Źmicier Kavałhin. Milicyjaniery zahadali chłopcu spynić zapis. Adnak toj nie pahadziŭsia, skazaŭšy, što maje poŭnaje prava na zdymku. U vyniku jaho dadzienyja taksama pierapisali.