U Homieli miacielica, mocny paryvisty viecier i śniežnyja zanosy
MNS rekamienduje ŭstrymacca ad pajezdak pa horadzie na asabistym aŭtatransparcie.
Ź viečara 22 sakavika ŭ Homielskaj vobłaści pačałasia miacielica. 23 sakavika praciahvajucca mocnyja śniehapady i śniežnyja zanosy.
Jak paviedamili ŭ Homielskim abłasnym upraŭleńni MNS, u subotu i niadzielu zachavajucca składanyja ŭmovy nadvorja — mocny śnieh, paryvisty viecier, miacielica i śniežnyja zanosy. Pavodle infarmacyi hidramieteacentra, paryvy vietru dasiahajuć 15—18 m/s.
U takich umovach nadvorja MNS rekamienduje ŭstrymacca ad pajezdak pa horadzie na asabistym aŭtatransparcie.
Pakolki mahčymaje parušeńnie enierhazabieśpiačeńnia, ratavalniki rajać padrychtavacca da adklučeńnia elektraenierhii, zakryć hazavyja krany, mašyny pastavić u haraž, a pry adsutnaści haraža mašynu varta parkavać dalej ad dreŭ.
Taksama MNS rekamienduje navučyć dziaciej, jak dziejničać padčas niepahadzi: znachodziačysia na vulicy, abychodzić chistkija budynki i damy ź niaŭstojlivym dacham, drevy, zbudavańni pavyšanaj ryzyki.
U subotu ŭ Homieli pracuje technałahičny transpart i dvorniki, adnak darohi i tratuary pa-raniejšamu pad śnieham.