Stypiendyja dla piśmieńnikaŭ u Słavienii

Stypiendyja Centralna-Jeŭrapiejskaj inicyjatyvy (CIEI) dla piśmieńnikaŭ, zasnavanaja CIEI razam z Asacyjacyjaj słavienskich piśmieńnikaŭ (ASP) u miežach Vilenickaha mižnarodnaha litaraturnaha fiestyvalu.

Stypiendyja CEI dla vyjaznoj pracy piśmieńnikaŭ maje na mecie zaachvočvańnie transhraničnaha supracoŭnictva i padtrymku maładych piśmieńnikaŭ z krain Centralnaj Jeŭropy, što nie ŭvachodziać u Jeŭrapiejski sajuz. Stypiendyja składaje 5000 jeŭra za try miesiacy znachodžańnia ŭ luboj krainie CIEI na vybar kandydata. Łaŭreat stypiendyi budzie hościem 28-ha Vilenickaha mižnarodnaha litaraturnaha fiestyvalu, jaki projdzie z 11 pa 15 vieraśnia 2013 hoda ŭ roznych miaścinach Słavienii. Pieramožcu aficyjna abvieściać na pres-kanfierencyi ŭ kancy žniŭnia, a stypiendyja budzie prysudžanaja jamu na cyrymonii adkryćcia fiestyvalu. Kandydat maje prava na stypiendyju z 11 vieraśnia 2013 hoda da 11 vieraśnia 2014 hoda. Na praciahu 60 dzion paśla adjezdu z abranaj krainy kandydat pavinien pradstavić piśmovy dakład.

U Centralna-Jeŭrapiejskuju inicyjatyvu ŭvachodziać 18 dziaržaŭ: Aŭstryja, Ałbanija, Biełaruś, Bośnija i Hiercahavina, Bałharyja, Charvatyja, Čechija, Vienhryja, Italija, Makiedonija, Małdova, Čarnahoryja, Polšča, Rumynija, Sierbija, Słavakija, Słavienija i Ukraina. CIEI była stvoranaja ŭ Budapiešcie 11 listapada 1989 hoda jak pieršy forum raźvićcia rehijanalnaha supracoŭnictva pamiž krainami Centralnaj i Uschodniaj Jeŭropy. Aryjentavanaja na palityčny dyjałoh, CEI taksama fakusujecca na ekanamičnym roście i raźvićci čałaviečaha patencyjału. Asablivaja ŭvaha nadajecca stvareńniu patencyjału, abmienu dośviedam i nou-chau, kab dasiahnuć kansalidacyi ŭ śfierach uzajemnaj cikavaści i padtrymać krainy CIEI, što nie ŭvachodziać u ES, u ich sacyjalna-ekanamičnym raźvićci z metaj dalejšaj intehracyi ŭ ES. Misija CEI: rehijanalnaje supracoŭnictva ŭ pytańniach jeŭrapiejskaj intehracyi. Štab-kvatera CIEI znachodzicca ŭ Tryjeście.

Asacyjacyja słavienskich piśmieńnikaŭ raspracoŭvaje i ažyćciaŭlaje sučasnyja dziaržaŭnyja prahramy ŭ halinie litaratury.

Vilenicki mižnarodny litaraturny fiestyval, dzie źbirajucca paety, prazaiki, dramaturhi i publicysty, pierakładčyki, vydaŭcy, redaktary i krytyki z Centralnaj Jeŭropy i nie tolki, arhanizavany Asacyjacyjaj słavienskich piśmieńnikaŭ u supracoŭnictvie z kulturnym tavarystvam «Vilenica la Siažany». Ź pieršaha mižnarodnaha fiestyvalu ŭ Vilenicy ŭ 1986 hodzie kulminacyjaj mierapryjemstva stała ŭručeńnie Vilenickaj mižnarodnaj litaraturnaj premii, jakaja prysudžajecca ASP aŭtaru za vydatnyja dasiahnieńni ŭ halinie mastackaj litaratury i eseistyki. Siarod łaŭreataŭ Vilenickaj premii — Fulvia Tamicca, Pieter Chandkie, Jan Skaceł, Tomas Viencłava, Źbihnieŭ Hierbiert, Miłan Kundera, Libuše Monikava, Mirka Kovač, Andžej Stasiuk i inš. U miežach fiestyvalu prachodziać šmatlikija litaraturnyja i kulturnyja mierapryjemstvy; padčas tearetyčnaj častki adbyvajucca pahłyblenyja dyskusii, u toj čas jak inšyja mierapryjemstvy stvarajuć niazmušanuju atmaśfieru dla znosin i sustreč.

Umovy ŭdziełu

Na atrymańnie stypiendyi mohuć pretendavać piśmieńniki, što pracujuć u lubych žanrach, jakim nie spoŭniłasia 35 hadoŭ (naradzilisia paśla 1978 hoda) z krain CIEI, što nie ŭvachodziać u ES (Ałbanija, Biełaruś, Bośnija i Hiercahavina, Charvatyja, Makiedonija, Małdova, Čarnahoryja, Sierbija i Ukraina).

Apošni termin padačy zajavak — 1 maja 2013 hoda. Zajaŭki pavinny być atrymanyja ŭ zapiačatanym kanviercie rehularnaj poštaj. Kamitet razhledzić listy z dataj na paštovym štempieli nie paźniejšaj za 1 maja 2013 hoda. Slovene Writers' Association (Writer In Residence) Tomšičeva 12 SI–1000 Ljubljana Slovenia

Zajaŭka pavinna źmiaščać nastupnyja abaviazkovyja dakumienty:

1. Zapoŭnienuju rehistracyjnuju formu (prykładajecca).

2. Bijahrafiju na anhlijskaj movie (nie bolš za 1800 znakaŭ biez prabiełaŭ).

3. Kopiju sapraŭdnaha paśviedčańnia asoby abo pašparta z dataj i miescam naradžeńnia, hramadzianstvam.

4. Biblijahrafiju na anhlijskaj movie (nie bolš za 3600 znakaŭ biez prabiełaŭ).

5. Apisańnie na anhlijskaj movie prajekta, jaki budzie ažyćciaŭlacca na praciahu trochmiesiačnaha pobytu (2000–4500 znakaŭ biez prabiełaŭ). Prajekt pavinien ujaŭlać saboj litaraturny tvor, a nie daśledavańnie.

6. Rekamiendacyjny list z aryhinalnym podpisam na anhlijskaj movie (nie bolš za 1800 znakaŭ biez prabiełaŭ).

Niapoŭnyja zajaŭki razhladacca nie buduć.

Paradak razhladu zajavak

1. Rehistracyjnaja forma budzie raspaŭsiudžvacca praz usie bujnyja piśmieńnickija arhanizacyi krain patencyjnych kandydataŭ, na veb-staroncy CIEI, ASP i Vilenickaha fiestyvalu, a mienavita: www.ceinet.org, www.drustvopisateljev.si i www.vilenica.si.

2. Mižnarodny kamitet, u jaki ŭvachodziać pradstaŭniki Słavienii, Italii i Aŭstryi, budzie razhladać listy z dataj na štempieli nie paźniejšaj za 1 maja 2013 hoda.

3. Konkursnyja pracy buduć aceńvacca pa nastupnych kryteryjach: 30% (3 bały) za biblijahrafiju, 50% (5 bałaŭ) za apisańnie prajekta i 20% (2 bały) za rekamiendacyjny list.

4. Usie kandydaty buduć apavieščanyja pra rašeńnie kamisii da 15 lipienia 2013 hoda.

5. Atrymalnik stypiendyi budzie aficyjna abvieščany na pres-kanfierencyi ŭ kancy žniŭnia, stypiendyja budzie jamu prysudžanaja na cyrymonii adkryćcia fiestyvalu 11 vieraśnia 2013 hoda ŭ Kopiery, Słavienija.

6. Praz 60 dzion paśla zakančeńnia pražyvańnia kandydat pavinien pradstavić piśmovy dakład na anhlijskaj movie (7200–9000 znakaŭ biez prabiełaŭ) pa zvyčajnaj ci elektronnaj pošcie Asacyjacyi słavienskich piśmieńnikaŭ.

Pytańni možna dasyłać pa e-mail ci pa faksie nie paźniej za 14 dzion da dedłajnu na:

Slovene Writers' Association

Društvo slovenskih pisateljev

Ms Maja Kavzar Tomšičeva 12 SI–1000 Ljubljana

e-mail: maja.kavzar@vilenica.si

Fax: 00386 1 42 16 430

Tel: 00386 1 25 14 144

Hadziny pracy: paniadziełak, sierada: 10.00 da 13.00

Kamientary da artykuła