Empajr Stejt Biłdynh u Ńju-Jorku padśvietlać ahniami ŭ ramkach Dnia aŭtyzmu

Adzin z samych vysokich budynkaŭ śvietu — 102-paviarchovy chmaračos u Ńju-Jorku Empajr Stejt Biłdynh u aŭtorak budzie padśvietleny błakitnymi ahniami ŭ ramkach Suśvietnaha dnia raspaŭsiudu infarmacyi ab prablemie aŭtyzmu.

Da mierapryjemstvaŭ, pryśviečanych Suśvietnamu dniu raspaŭsiudu infarmacyi ab aŭtyźmie, jaki adznačajecca 2 krasavika, padklučajucca sotni amierykanskich arhanizacyj i kampanij.

U ZŠA uvieś krasavik pryśviečany uvazie da hetaj chvaroby, ad jakoj pakutuje kožnaje 88-je dzicia ŭ krainie. Prachodziać dabračynnyja akcyi Autism Awareness Month, a Nacyjanalnaja baskietbolnaja asacyjacyja i Nacyjanalnaja asacyjacyja honak sieryjnych aŭtamabilaŭ (NASCAR) pravodziać roznyja mierapryjemstvy dla adukavańnia ludziej i akazańnia dapamohi ŭ finansavańni adpaviednych fondaŭ.

U mnohich inšych krainach śvietu hety dzień taksama adznačajuć šyroka: arhanizujucca lekcyi i sieminary z udziełam lekaraŭ i ekśpiertaŭ, miedcentry pravodziać biaspłatnyja kansultacyi.

Pa dadzienych amierykanskaha «Tavarystva aŭtystaŭ», vychavańnie, lačeńnie i sacyjalizacyja dziciaci z takim dyjahnazam abychodzicca ŭ siarednim u 3,5–5 miljonaŭ dalaraŭ,

***

Aŭtyzm — pastajannaje parušeńnie raźvićcia, jakoje prajaŭlajecca na praciahu pieršych troch hadoŭ žyćcia i źjaŭlajecca śledstvam nieŭrałahičnaha rasstrojstva, što adbivajecca na funkcyjanavańni mozhu.

Kamientary da artykuła