Vieniesueła nie patrabuje ad Biełarusi $2,8 młrd za naftu
Pasoł Vieniesueły Amieryka Dyjas Nuńjes napres-kanfierencyi ŭ Minsku 15 krasavika nie paćvierdziŭ i nie abvierh infarmacyju ab tym, što Biełaruś pavinna Vieniesuele za naftu 2,8 młrd. dalaraŭ.
«Nijakich pretenzij i patrabavańniaŭ da Biełarusi Vieniesueła nie vystaŭlaje», — skazaŭ jon u adkaz na prośbu prakamientavać infarmacyju pra doŭh Biełarusi. Pry hetym Nuńjes paviedamiŭ, što najbližejšym časam zapłanavana pasiadžeńnie kamisii vysokaha ŭzroŭniu.
«I Vieniesueła maje zavinavačanaść pierad Biełaruśsiu za prajekty ŭ śfiery budaŭnictva žylla i pramysłovaha budaŭnictva. Na kamisii buduć abmiarkoŭvacca hetyja pytańni», — adznačyŭ pasoł.
Na ŭdakładnialnaje pytańnie, ci isnuje ŭsio ž zavinavačanaść biełaruskaha boku i jakija pamiery zavinavačanaści Vieniesueły pierad Biełaruśsiu, dypłamat zajaviŭ: «My — sur`ioznyja partniory, i nie moža być miesca dla mierkavańniaŭ pra mahčymuju zavinavačanaść. Toje, što nie abvieščana na aficyjnym uzroŭni, nie maje sensu kamientavać. Što da zavinavačanaściaŭ jak takich, to heta zvyčajny praces, kali adzin ci abodva z partnioraŭ nie svoječasova apłačvajuć niejkuju pradukcyju. Usio heta budzie abmiarkoŭvacca na pasiadžeńni kamisii».
Pra toje, što Biełaruś pavinna Vieniesuele za pastaŭlenuju naftu 2,8 młrd. dalaraŭ, paviedamiŭ u sakaviku ŚMI kiraŭnik