Na zaŭtra prahnazujuć praciahłyja mocnyja daždžy
Biełhidramieteacentr paviedamlaje, što ŭ piatnicu, 3 maja, na bolšaj častcy terytoryi krainy projduć daždžy. Nočču miescami pa paŭdniovym zachadzie, dniom u mnohich rajonach prahnazujucca praciahłyja mocnyja daždžy.
Tak, u Minsku, pavodle pogoda.by doždž pačniecca ŭžo hetaj nočču, dniom pieratvorycca ŭ mocny, a viečaram piatnicy budzie iści «vielmi mocny doždž».
Na poŭdni krainy prahrymiać navalnicy.
Tempieratura pavietra nočču plus 4-9 hradusaŭ, pa poŭdni da 13, dniom 10—16, pa paŭdniovym uschodzie da plus 23 hradusaŭ.
U subotu taksama miarkujecca doždž, u niadzielu jany projduć miescami, a jasnaje i ciopłaje nadvorje ŭstalujecca tolki z paniadziełka.