U Breście za bojku ź nieanacystami zatrymanyja 5 antyfašystaŭ: paciarpiełamu daviałosia vydalić sielazionku
Incydent adbyŭsia ŭ noč na Dzień Pieramohi kala restarana "Ararat". Jak paviedamlaje Jeŭraradyjo sa spasyłkaj na TUT.BY sa słovaŭ čytača, adzin ź nieanacystaŭ, prachodziačy mima antyfašystaŭ, uskinuŭ ruku i prakryčaŭ nacysckaje pryvitańnie.U vyniku bojki adzin ź jaje ŭdzielnikaŭ atrymaŭ ciažkija paškodžańni.
Pa źviestkach pravaachoŭnikaŭ, u bojcy ŭdzielničali bolš za 10 čałaviek, čaćviora z udzielnikaŭ paciarpieli. Adnamu z paciarpiełych daviałosia vydalić sielazionku. Z nahody bojki pačataja kryminalnaja sprava za chulihanstva z užyvańniem zbroi. Pryčyna ŭ tym, što adzin z udzielnikaŭ skarystaŭ bałončyk sa ślezaciečnym hazam.
Pavodle nieaficyjnych źviestak, zatrymanyja piać čałaviek, jašče try abvieščanyja ŭ vyšuk. U sacyjalnych sietkach siabry zatrymanych antyfašystaŭ paviedamlajuć, što doma ŭ tych adbylisia pieratrusy. Milicyjanty zabirali kampjutary i litaraturu.
Kali vina maładych ludziej budzie dakazanaja, im moža pahražać da dziesiaci hadoŭ pazbaŭleńnia voli.