Chłopiec hrymnuŭsia z bałkona ŭ mietro Niamiha, pasažyrka zafiksavała heta na videa

Hetaje zdareńnie na stancyi Niamiha adbyłosia 17 maja prykładna a 23.50. Chłopiec u nieadekvatnym stanie dureŭ u viestybiuli mietro «Niamiha». Halokaŭ, skakaŭ. Dziažurny nie prapuściŭ jaho ŭ mietro biez žetona, jon vyrvaŭsia. Urešcie, jon uskočyŭ na parenčy, što adździalajuć viestybiul-bałkon ad stancyi. I kulnuŭsia ŭniz. Upaŭ na płatformu z vyšyni prykładna 6 mietraŭ hałavoj uniz. Nichto nie sprabavaŭ jaho spynić, bo nichto nie dumaŭ, što jon hajsanie dołu.

Pasažyry adrazu ž kinulisia jaho reanimavać.

Adyšoŭšy ad šoku, jon staŭ varušycca. Nosam u jaho išła kroŭ. Praz 20-25 chvilin jaho zabrała chutkaja dapamoha.

Pavodle papiaredniaj infarmacyi, chłopiec zastaŭsia žyvy.

Jak raskazała «Našaj Nivie» 20-hadovaja Paŭlina Č., dziaŭčyna, jakaja vypadkova źniała zdareńnie na telefon, «chłopiec jašče na vulicy biehaŭ, kryčaŭ, roznyja huki vydavaŭ, zahavorvaŭ z usimi zapar». Chto jon taki, dziaŭčyna nie viedaje. Na jaje dumku, jon moh znachodzicca ŭ stanie narkatyčnaha apjanieńnia ci psichičnaj uzbudžanaści.

Praciah temy budzie.

Kamientary da artykuła