Biełaruski hramadski transpart pieraviaduć na hazamatornaje hazpramaŭskaje paliva
Biełaruski hramadski transpart pieraviaduć na hazamatornaje hazpramaŭskaje paliva. Heta praduhledžana prahramaj urada Biełarusi i «Hazproma», jakaja budzie realizavana najbližejšym časam, paviedamiŭ 18 maja žurnalistam u Minsku pieršyvice-prem jer biełaruskaha ŭrada Uładzimir Siamaška.
«Paliva ŭvieś čas daražeje, tamu „Hazpram“ prapanavaŭ niekatoryja typy transpartu, naprykład hramadskaha, pieravieści na hazamatornaje paliva. „Hazpram“ daŭ harantyi, što košt hetaha paliva na praciahu dziesiaci hadoŭ budzie nie bolšy za 50% ad koštu dyzielnaha paliva», — skazaŭ Siamaška. Jon padkreśliŭ, što kali na takoje paliva budzie pieraviedziena tolki 20% biełaruskaha parka hramadskaha transpartu, ekanomija dla krainy składzie 175 młn. dołaraŭ.
«Heta vielmi značnaja ličba, ale pad heta treba stvaryć infrastrukturu — sistemu zapravak, servisu», — rastłumačyŭ Siamaška.
Pieršym časam paliŭnaja aparatura budzie pastupać u Biełaruś z Rasii.Ale ŭ prahramu, pavodle słoŭ Siamaški, uklučany punkt ab tym, što ŭ dalejšym biełarusy buduć vyrablać abstalavańnie sami. Naprykład, udakładniŭ pieršy
Prahrama taksama praduhledžvaje, što Minski aŭtazavod budzie častkova vypuskać pradukcyju z užo ŭbudavanymi ruchavikami, raźličanymi na hazamatornaje paliva.