Ferrari 458 Italia i Jaguar F-type stali zorkami Motaršoŭ-2013 — fotarepartaž Hudzilina

BPS-Bank pryvioz sapraŭdnaha italjanskaha «žarabca» — supierkar Ferrari 458 Italia.

Ferrari 458 Italia — mašyna 2009 hoda, ale ŭsio jašče zachaplaje.

Chrysler 300C i Jeep Grand Cherokee. Amierykanskija aŭtamabili kamfortnyja i prastornyja. Adnak u Biełarusi amierykancaŭ nabyvajuć redka.

Stend Zaparožskaha aŭtazavoda. ZAZ Vida — «Zaparožac» u kuzavie Chevrolet Aveo. Hety aŭtamabil moža vydzielicca siarod inšych badaj što canoju 13 tysiačaŭ dalaraŭ.

Geely SC7 ad barysaŭskaha «BiełDžy». Na Motaršoŭ adbyłasia i prezientacyja krasoviera Geely EX7, jaki na «BiełDžy» pačnuć źbirać u kancy leta. Za Geely EX7 u minimalnaj kamplektacyi paprosiać 20 tysiačaŭ dalaraŭ.

Usiedarožnik «Dźvina» na pnieŭmatykach zvyšnizkaha cisku ad «BiełHAZaŭtaservisa» papularny nie mienš za Ferrari. Asabliva aŭtamabil padabajecca dzieciam.

Vajskovy arkiestr na adkryćci Motaršoŭ-2013.

Stend «Łady» nie karystajecca papularnaściu.

Cyrymonija ŭračystaha adkryćcia vystavy adbyłasia la stenda kampanii Nissan.

Na Motaršoŭ-2013 pryjechali lehiendarnyja italjanskija sportkary Maserati Gran Turismo Turbo i Maserati Quattroporte.

Polaris — bahi, kvadracykły i śniehachody dla ekstremalnaha adpačynku.

Audi R8 Spider z ruchavikom V10 — niamiecki supierkar Toni Starka ź filma «Žalezny Čałaviek».

Stend kampanii Audi.

Stend Skoda.

Hyundai rychtujecca da prezientacyi svajho novaha siedana premium-kłasa Equus.

Stend Hyundai byŭ adnym z samych bujnych na Motaršoŭ — karejski aŭtahihant bačyć vialiki patencyjał u biełaruskim rynku.

Uračystaje adkryćcio.

Marku Hyundai padtrymlivali dziaŭčaty futurystyčnaha vyhladu.

Dodge Journey, Chrysler 300C i Jeep Grand Cherokee.

Vajskovy arkiestr na adkryćci Motaršoŭ-2013.

Land Rover nie tolki vystaviŭ lehiendarnych brytancaŭ z vydatnaj prachodnaściu, ale i ŭładkavaŭ pierad «Minsk-Arenaj» placoŭku dla ekstremalnaha test-drajvu.

Šviedskaja Volvo zaŭsiody słaviłasia technałohijami biaśpieki. Na madeli V40 možna ŭbačyć nadzimanuju padušku biaśpieki, jakaja razhortvajecca pry sutyknieńni aŭtamabila ź piešachodam.

Siońnia ŭ «Minsk-Arenie» adkryłasia aŭtamabilnaja vystava «Motaršoŭ-2013». «Motaršoŭ» ładzicca ŭ Minsku pačynajučy z 2000 hoda. Štohod kolkaść udzielnikaŭ i aŭtamabilnaja ekspazicyja pavialičvalisia, i sioleta na vystavie publicy pradstavili kala 150 aŭtamabilaŭ 27 aŭtavytvorcaŭ.

«Motaršoŭ» choć i jość samaj bujnoj aŭtavystavaj Biełarusi, adnak usio ž heta nie Ženieŭski aŭtasałon ci štohadovaja aŭtavystava ŭ amierykanskim Detrojcie. Na «Motaršoŭ» aŭtabrendy nie viazuć supier- i kancept-kary dla demanstracyi aŭtatechnałohij budučyni, a suśvietna viadomyja ciuninh-atelje nie rychtujuć svaje «zaradžanyja» viersii papularnych aŭtamabilaŭ. «Motaršoŭ» vyhladaje chutčej jak vialiki aŭtakirmaš, dzie pad adnym dacham aficyjnyja dylery pradstaŭlajuć najaŭnyja ŭ ich asartymiencie aŭtamabili.

Na aŭtavystavach zvyčajnyja hledačy spadziajucca znajści niešta niezvyčajnaje — aŭtamabili, jakija redka sustrenieš na vulicy. Jość takija i na «Motaršoŭ». Tak BPS-Bank pryvioz na svoj stend sapraŭdnaha italjanskaha «ohiera» — supierkar Ferrari 458 Italia.

Našmat naviejšy italjaniec na «Motaršoŭ» — čatyrochdźvierny siedan Quattroporte šostaha pakaleńnia ad italjanskaha vytvorcy supierkaraŭ Maserati.

Jašče adzin śviežy sportkar «Motaršoŭ» prybyŭ nie z soniečnaj Italii, a z Tumannaha Albijona. Jaguar F-type — madel, jakaja jašče nie pastupiła ŭ prodaž navat na radzimie. Dvuchmiascovy rodstar z adkidnym dacham, vytančanym dyzajnam i pačatkovaj canoj 60 tysiačaŭ funtaŭ tak i pryciahvaje cikaŭny pozirki.

Taksama možna ŭbačyć žyŭcom znakamity i pryhožy rodstar Audi R8 Spider. Niamiecki supierkar dobra znajomy amataram hulni Need For Speed i filma «Žalezny čałaviek», ale ŭ Biełarusi jaho nie ŭbačyš kožny dzień.

U hetym hodzie na «Motaršoŭ» anansavana i rekordnaja kolkaść premjer ad aŭtabrendaŭ — ich na vystavie ažno 37.

Niamieckija marki vystupili pa standartnaj prahramie: «bavarcy» pakazali navinki BMW 3 i 5 sieryi z postfiksam GT, a Audi akramia R8 pryviezła i Audi A3 Sedan, jaki pačnuć pradavać tolki ŭletku.

Adnak nie mienš uvahi pryciahnuta i da brendaŭ nie tak viadomych, jak Audi i BMW. Tak, na stendzie redkaj u Biełarusi marki MG adbyłasia premjera aŭtamabilaŭ MG 3 Xross i MG 5, jakija redka sustrenieš na našych darohach, i mikrakrasoviera Mini Paceman papularnaj u apošni čas siarod maładych biełarusaŭ anhlijskaj marki Mini.

Dastatkova šyroka pradstaŭleny na «Motoršoŭ-2013» i kitajski aŭtapram, da praduktaŭ jakoha biełarusy staviacca skieptyčna i praciahvajuć paraŭnoŭvajuć ich z rasijskimi aŭtamabilami nie na karyść pieršych. Adnak heta nie admianiaje taho, što na darohach Biełarusi źjaŭlajecca ŭsio bolš novych kitajskich aŭtamabilaŭ, jakija nabyvajuć zamiest padtrymanych «jeŭrapiejcaŭ».

Aŭtadylery pradstavili na «Motaršoŭ» minułahodni piaredniepryvadny haradski krasovier Great Wall Haval M4. Jany pradajucca ŭ Biełarusi ŭ kamplektacyi Luxury i Super Luxury pa canie 18 i 29 tysiačaŭ dalaraŭ adpaviedna.

Možna znajści i navinku ad «biełaruskich kitajcaŭ», praŭda, budučuju — čarhovy krasovier Geely EX7. Jaje płanujuć nieŭzabavie pačać źbirać na zavodzie kampanii «BiełDžy» u Barysavie.

Na «Motaršoŭ» varta schadzić tym, chto vybiraje sabie novy aŭtamabil.

Adnak ceny na aŭtamabili nahaniajuć smutak — na «Motaršoŭ» stanovicca zrazumieła, što bolšaść biełarusaŭ nie paciahnie novych aŭtamabilaŭ, jakija kuplajuć pradstaŭniki siaredniaha kłasa Jeŭropy ci ZŠA.

Aktyŭna cikaviacca i markaj Citroen, jakaja pradaje novyja aŭtamabili pa pryvabnych cenach. Novy Citroen S1 možna nabyć za 10,5 tysiačaŭ jeŭra. «U nas siońnia niama śpiecyjalnych źnižak, ale u nas vielmi nizkija ceny i čarha pa aŭtamabil raśpisana pa vierasień», — kaža pradstaŭnica kampanii.

Kamientary da artykuła