Na aŭtatrasie M1 u Kobrynskim rajonie ŭ DTZ zahinuli čatyry čałavieki

Jak paviedamiła BiełaPAN načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, avaryja zdaryłasia niedaloka ad vioski Brylova 24 maja ŭ 21.12 na 63-m kiłamietry aŭtatrasy M1: Brest — Minsk — miaža Rasijskaj Fiederacyi.

Vadziciel aŭtamabila «Dodž-Karavan», jaki ruchaŭsia ŭ napramku Bresta, nie vybraŭ biaśpiečnuju chutkaść ruchu, nie spraviŭsia z kiravańniem i vyjechaŭ na raździalalny hazon. Tam jon urezaŭsia ŭ mietaličnuju adbojnuju aharodžu. Heta aharodža prašyła aŭtamabil naskroź.

U mašynie jechali čatyry čałavieki. Na miescy DTZ zahinuli troje ź ich: 29-hadovy i 34-hadovy brestaŭčanie i 36-hadovy žychar Kamianieckaha rajona, 24-hadovaha žychara Kobrynskaha rajona ź ciažkimi traŭmami dastavili ŭ reanimacyjnaje adździaleńnie balnicy, dzie jon u 1.50 25 maja pamior, paviedamiła Sacharčuk.

Pa fakcie avaryi pravodzicca pravierka. Pryznačana ekśpiertyza, kab ustaanavić, chto znachodziŭsia za rulom «Dodža». Ustanoŭlena, što hety aŭtamabil naležyć žycharcy Bresta 1984 hoda naradžeńnia.

Z pačatku hetaha hoda ŭ Bresckaj vobłaści zarehistravanyja 173 DTZ, u jakich 36 čałaviek zahinuli i 184 atrymali traŭmy roznaj stupieni ciažaru.

Kamientary da artykuła