U ZŠA pačynajecca sud nad vajskoŭcam, jaki vydaŭ Wikileaks sakretnyja dakumienty
25-hadovaha šarahoŭca Meniha mohuć asudzić na 154 hady turmy.
U paniadziełak pierad sudom vajennaha trybunała ŭ Fortmidzie ŭ štacie Merylend paŭstanie šarahoviec amierykanskaj armii Bredli Meninh pa abvinavačvańni ŭ pieradačy sakretnych vajennych dakumientaŭ sajtu Wikileaks, paviedamlaje
Abvinavačvańnie abviaščaje, što ŭ 2009 i 2010 hh. Meninh pieradaŭ sajtu 250 tysiač kopij dypłamatyčnych pasłańniaŭ i 500 tysiač vajskoŭcaŭ spravazdač ab situacyi ŭ Afhanistanie i Iraku.
Jon pryznaŭ siabie vinavatym pa 10 z 22 punktaŭ abvinavačańnia, ale adchilaje samaje surjoznaje ź ich — abvinavačańnie ŭ dapamozie vorahu.
Hetaja ŭciečka sakretnaj dakumientacyi ličycca samaj maštabnaj u historyi ZŠA.
Kali jaho pryznajuć vinavatym pa najbolš surjoznych punktach abvinavačańnia,
Meninh, jaki byŭ aryštavany ŭ mai 2010 hoda ŭ Iraku, nie admaŭlaje pieradačy dakumientaŭ. U lutym jon zajaviŭ sudździam, što raskryŭ dakumientacyju z metaj prastymulavać hramadskaje abmierkavańnie źniešniaj i abaronnaj palityki ZŠA.
Adnak bok abvinavačańnia, jaki pradstaŭlaje ŭrad ZŠA, śćviardžaje, što ŭciečka dakumientacyi naniesła škodu nacyjanalnaj biaśpiecy i pastaviła pad pahrozu žyćcio amierykanskich sałdat.
Adzin ź pieradadzienych Meninham dakumientaŭ ujaŭlaje saboj zrobleny na borcie bajavoha viertalota videazapis nalotu na pryharad Bahdada, padčas jakoha ŭ 2007 hodzie byli zabityja 12 čałaviek, u tym liku fatohraf ahienctva Rejter.
«Najbolš aburalnym ŭ hetym zapisie dla mianie stała toje zadavalnieńnie i praha kryvi, jakija hučali ŭ hałasach členaŭ ekipaža viertalota», — zajaviŭ Meninh ŭ chodzie papiaredniaha słuchańnia, paraŭnaŭšy piłotaŭ ź dziećmi, jakija katujuć murašoŭ pad pavieličalnym škłom.
Na sudzie, jak čakajecca, vystupiać dziasiatki śviedak.
U vypadku abvinavaŭčaha prysudu z terminu turemnaha źniavoleńnia, jakim by jon ni byŭ, Meninhu adnimuć 112 dzion. Heta budzie zroblena ŭ suviazi z tym, što sudździa pryznaŭ fakt žorstkaha abychodžańnia z šarahovym na praciahu jaho dzieviacimiesiačnaha znachodžańnia ŭ vajennaj turmie paśla aryštu.