Dźmitryj Us stvaraje Partyju biźniesu
D.Us byŭ asudžany na 5,5 hadoŭ za Płošču-2010 i vyzvaleny 1 kastryčnika 2011 h.
Dźmitryj Us, pradprymalnik,eks-kandydat u prezidenty na vybarach 2010 hoda stvaraje Partyju biźniesu.
Jak skazaŭ Dźmitryj Us, ideja ŭźnikła ŭ suviazi z utvareńniem Jeŭrazijskaha ekanamičnaha sajuza, jaki pavinien pačać funkcyjanavać z 1 studzienia 2015 hoda, i na fonie, na jaho dumku, uchileńnia biełaruskich uład ad vykanańnia svaich abaviazacielstvaŭ u chodzie stvareńnia hetaha intehracyjnaha ŭtvareńnia.
Adnoj z metaŭ partyi, pavodle słoŭ Usa, stanie «daniasieńnie da ludziej infarmacyi ab Jeŭrazijskim ekanamičnym sajuzie i ab tym, što kiraŭnctva Biełarusi pieraškadžaje jaho stvareńniu».Biełarusi, upeŭnieny palityk, nieabchodnyja libieralizacyja ekanamičnych adnosin, pryvatyzacyja, stvareńnie takoha inviestycyjnaha klimatu, jaki «ŭdychnuŭ by žyćcio» ŭ ekanomiku.
«Partyja biźniesu» — rabočaja nazva prajekta, udzielnikami jakoha stanuć jak indyvidualnyja pradprymalniki, tak i bujnyja biźniesmieny, upeŭnieny Us.
Ciapier rychtujecca statut partyi, ustanoŭčy źjezd moža adbycca vosieńniu. Adnadumcy Usa — drobnyja i bujnyja biźniesmieny, palityki, ekanamisty.
Pavodle słoŭ Usa, kali ŭłady nie zarehistrujuć partyju, heta nahladna prademanstruje, što kiraŭnictva krainy nie zacikaŭlena ŭ intehracyi z Rasijaj i suśvietnaj supolnaściu. Jakim čynam partyja budzie isnavać i dziejničać u takich umovach, palityk havaryć pakul nie staŭ.
Nahadajem, Dźmitryj Us, pryznany vinavatym u arhanizacyi masavych biesparadkaŭ u Minsku 19 śniežnia 2010 hoda i asudžany na piać z pałovaj hadoŭ pazbaŭleńnia voli ŭ kałonii ŭzmocnienaha režymu,byŭ vyzvaleny 1 kastryčnika 2011 hoda na padstavie ŭkaza Alaksandra Łukašenki ab pamiłavańni.