Z kałonii ŭ Vaŭkavysku źbiehli troje złačyncaŭ
Adzin sa złačyncaŭ Ivan Arbačaŭskas
U subotu, u 14:30, ździejśnili ŭcioki troje asudžanych, jakija skarystalisia pravam pieramiaščeńnia biez kanvoju i supravadžeńnia i adbyvali pakarańnie ŭ VK № 11Vaŭkavyska:
Źbiehli: Juryj Bahačoŭ, 1978 h.n., asudžany pa č.2 art.205 KK RB (kradziež, učynieny paŭtorna, hrupaj asob abo z praniknieńniem u žyllo) da pakarańnia ŭ vyhladzie 2 hadoŭ pazbaŭleńnia voli ŭ papraŭčaj kałonii strohaha režymu. Raniej nieadnarazova sudzimy.
Alaksandr Kuprynovič, 1980 hoda, asudžany pa č.2 art.206 KK RB (rabavańnie, ździejśnienaje paŭtorna, hrupaj asob abo z praniknieńniem u žyllo) da pakarańnia ŭ vyhladzie 2 hadoŭ pazbaŭleńnia voli ŭ papraŭčaj kałonii strohaha režymu.
Raniej da kryminalnaj adkaznaści pryciahvaŭsia 6 razoŭ.
Ivan Arbačaŭskas, 1988 h., asudžany pa č.2 art.205 KK (kradziež, učynieny paŭtorna, hrupaj asob abo z praniknieńniem u žyllo) i č.2 st.212 KK (kradziež šlacham vykarystańnia kampjutarnaj techniki) da pakarańnia ŭ vyhladzie 3 hadoŭ pazbaŭleńnia voli ŭ papraŭčaj kałonii strohaha režymu. Raniej nieadnarazova sudzimy.
Hramadzianam, jakim što-niebudź viadoma pra miesca znachodžańnia, prosiać paviedamić pa telefonach u h.Vaŭkavysku: +375 (1512) 2-50-38, +375 (1512) 75-1-06 albo ŭ bližejšaje adździaleńnie milicyi pa telefonie 102. Ananimnaść harantujecca.
Prykmiety i fota źbiehłych złačyncaŭ