Ułady pahražajuć sialanam turmoj za trymańnie śviniej u rajonach pad zabaronaj
Kryminalnaja adkaznaść praduhledžana dla tych, chto abaviazany, ale nie zabje svaich śviniej. A taksama dla tych, chto budzie vyroščvać śviniej, u toj čas jak heta rabić zabaroniena. Ale tolki ŭ tym vypadku, kali heta pryviadzie da raspaŭsiudu zaraznych chvarob.
Adpaviednaje papiaredžańnie było apublikavana Ministerstvam sielskaj haspadarki i charčavańnia. Viedamstva papiaredžvaje, što «parušeńnie vieterynarnych praviłaŭ, što paciahnuła pa nieaściarožnaści raspaŭsiud zaraznych chvarob žyvioł, ciahnie kryminalnuju adkaznaść:
abmiežavańnie abo pazbaŭleńnie voli na termin da dvuch hadoŭ».
Za nievykanańnie vieterynarnych praviłaŭ, jakoje nie pryviało da raspaŭsiudžvańnie zarazy, pavodle Kodeksa RB ab administracyjnych pravaparušeńniach praduhledžana papiaredžańnie abo štraf da 20 bazavych vieličyń (siońnia heta 2 miljony rubloŭ).
Siońnia Vieterynarna sanitarnyja praviły vyroščvańnia śviniej, zaćvierdžanyja pastanovaj Ministerstva sielskaj haspadarki i charčavańnia Respubliki Biełaruś ad 2013/05/06 hoda № 15 zabaraniajuć ŭtrymańnie śviniej:— u asabistym padvorku rabotnikaŭ, jakija absłuhoŭvajuć pahałoŭje śviniej kompleksu;
— u radyusie nie mienš za 5 km ad kompleksaŭ utrymańnie śviniej sialanskimi (fiermierskimi) haspadarkami i fizičnymi asobami, u tym liku indyvidualnymi pradprymalnikami.