Saudaŭski prync-miljarder prajhraŭ spravu pra samalot Kadafi
Saudaŭski prync-miljarder Al-Valid ibn Tałał prajhraŭ sud pa spravie ab samalocie eks-lidara Livii Muamara Kadafi,
piša The Guardian. Praces prachodziŭ u Łondanie. Sud pastanaviŭ, što prync pavinien zapłacić iardanskaj
Šarab patrabavała hetyja hrošy za sadziejničańnie ŭ prodažy raskošnaha pryvatnaha samalota ibn Tałała pałkoŭniku Kadafi ŭ 2005 hodzie. Ahulnaja suma ŭhody pa Airbus A340 składała $120 młn. U svaju čarhu prync zajaŭlaŭ, što rola pradprymalnicy ŭ hetaj spravie była nie nastolki vialikaja.
I Šarab, i ibn Tałał prysutničali na sudovym pracesie. Sudździa Piter Śmit skazaŭ, što vynik spravy zaležaŭ ad taho, čyim dokazam jon bolš pavieryć. Pa słovach Śmita, jon vyrašyŭ, što vybiraje viersiju Šarab.
Jak adznačaje hazieta, asabisty samalot Kadafi staŭ simvałam raskošnaha žyćcia, jakoje vioŭ livijski lidar. Paŭstancy vystavili łajnier na ŭsieahulny ahlad paśla zachopu aeraporta Trypali.