«Biełarusnafta» płanuje adkryć niekalki elektrazaradnych stancyj

Da kanca 2013 hoda vytvorčaje abjadnańnie «Biełarusnafta» płanuje adkryć niekalki elektrazaradnych stancyj dla absłuhoŭvańnia ŭładalnikaŭ elektramabilaŭ.

Jak paviedamili ŭ pres-słužbie pradpryjemstva, ciapier na VA «Biełarusnafta» raspracoŭvajecca adpaviednaje prahramnaje zabieśpiačeńnie, pravodzicca tendar na zakupku nieabchodnaha abstalavańnia.

Stancyi dla absłuhoŭvańnia elektramabilaŭ raźmieściacca na placoŭkach dziejnych AZS. Na pieršym etapie płanujecca abstalavać try stancyi. Adna budzie raźmieščanaja ŭ Minsku, jašče dźvie — u Homieli. Raźmiaščeńnie takich aŭtazapravačnych stancyj vybranaje z ulikam intaresaŭ i maksimalnaj zručnaści budučych klijentaŭ. Dla adpracoŭki schiemy absłuhoŭvańnia «Biełarusnafta» płanuje zakupić ułasny elektramabil.

U pres-słužbie dadali, što hety kirunak raźvivajecca ŭ roznych krainach, i pradpryjemstva rychtujecca da taho, što i ŭ Biełarusi vadzicieli pačnuć pierachodzić na elektramabili.

Pakul u Biełarusi niama stancyj dla absłuhoŭvańnia elektramabilaŭ.

Kamientary da artykuła