Padrabiaznaści ŭčorašniaha DTZ z aŭtobusam: 15 paciarpiełych, troje — u balnicy
U vyniku DTZ z pasažyrskim aŭtobusam 7 kastryčnika na praśpiekcie Dziaržynskaha ŭ Minsku, byli špitalizavany 3 čałavieki, traŭmy astatnich pasažyraŭ apynulisia niaznačnymi.
Pra heta paviedamiła kiraŭnik pres-słužby Dziaržaŭtainśpiekcyi Minska Taćciana Charlinskaja.
«Adrazu paśla avaryi ŭ roznyja lačebnyja ŭstanovy stalicy byli dastaŭleny 15 čałaviek.
Adnak tolki troje paśla byli špitalizavany. Astatnich adpuścili dadomu paśla taho, jak ich ahledzieli daktary. Na ščaście, traŭmy bolšaści byli nie takimi surjoznymi», — raspaviała Taćciana Charlinskaja.
Špitalizavana žančyna 1960 hoda naradžeńnia — u jaje čerapna-mazhavaja traŭma siaredniaj stupieni ciažkaści. Taksama čerapna- mazhavaja traŭma (ale lohkaj stupieni ciažkaści) u mužčyny 1950 naradžeńnia, jakoha taksama vyrašyli časova pakinuć pad nahladam daktaroŭ. I z padazreńniem na pierałom nahi była špitalizavanaja dziaŭčyna 1985 hoda naradžeńnia, adnak jaje dyjahnaz zastajecca pad pytańniem.
Zaraz udakładniajucca pryčyny vypadku.
«Jak patłumačyŭ sam kiroŭca, jon prajechaŭ pa svaim maršrucie mietraŭ 300, paśla čaho jamu stała drenna, paciamnieła ŭ vačach i jon straciŭ prytomnaść», — raspaviała Taćciana Charlinskaja.
Pry hetym kiroŭca raspavioŭ inśpiektaram DAI, što pierad vyjezdam na maršrut pačuvaŭsia dobra..
Jak paviedamlałasia, 7 kastryčnika kiroŭca pasažyrskaha aŭtobusa padčas ruchu pa praśpiekcie Dziaržynskaha ŭ Minsku straciŭ prytomnaść i ŭrezaŭsia ŭ adnu z aśviatlalnych mačtaŭ. DTZ adbyłosia kala 17.40.