Biełstat: Inflacyja z pačatku hoda skłała 10%
Indeks spažyvieckich cen na tavary i pasłuhi (inflacyja) u vieraśni 2013 hoda ŭ paraŭnańni sa žniŭniem hetaha hoda vyras na 1,7%, sa śniežniem 2012 hoda — na 10%, paviedamili ŭ pres-słužbie Nacyjanalnaha statystyčnaha kamiteta.
Ceny na charčovyja tavary ŭ vieraśni 2013 hoda ŭ paraŭnańni sa žniŭniem vyraśli na 0,6%, sa śniežniem 2012 hoda — na 7,5%. Bolš za ŭsio ŭ vieraśni ŭ paraŭnańni z papiarednim miesiacam padaraželi jajki — na 7,1%, muka pšaničnaja — na 6,9%, rybnyja kansiervy — na 1,3%, aharodnina — na 3,6%. U toj ža čas nazirałasia padzieńnie cen na bulbu — na 16,8%, frukty — na 3,3%, alej — na 0,9%.
Ceny na niecharčovyja tavary ŭ vieraśni ŭ paraŭnańni sa žniŭniem pavialičylisia na 1,9%, sa śniežniem 2012 hoda — na 5,5%. Bolš za ŭsio ŭ vieraśni padaraželi bienzin — na 14,9%, adzieńnie i mebla — na 1%, tkaniny — na 0,9%. Ceny na sintetyčnyja myjnyja srodki źnizilisia na 0,04%