Dziesiać CEC na abrezkach
paŭstanuć u Mienskaj vobłaści.
U Biełarusi da 2010 hoda budzie funkcyjanavać 10 mini-CEC na miascovych vidach paliva. Ab hetym paviedamiŭ siońnia žurnalistam premjer-ministr Biełarusi Siarhiej Sidorski ŭ čas rabočaj pajezdki pa Minskaj vobłaści.
Va ŭradzie pryniata prahrama pa pierachodu na budaŭnictva mini-CEC na miascovych vidach paliva dla małych i siarednich haradoŭ. "Siońnia važna prasačyć kanviejer ad lesu da stancyj, abjadnać intaresy troch subjektaŭ biźniesu: leśnikoŭ, transpartnikaŭ i enierhietykaŭ", - padkreśliŭ Siarhiej Sidorski.
Premjer-ministr Biełarusi siońnia naviedaŭ u Vilejcy mini-CEC, dzie aznajomiŭsia z arhanizacyjaj narychtoŭki, technałohijaj vytvorčaści, transparciroŭkaj i zachoŭvańniem paliŭnych ščepak dla takich mini-CEC.
Jak adznačyŭ Siarhiej Sidorski, u Biełarusi ŭžo realizujecca try prajekty pa stvareńniu mini-CEC na miascovych vidach paliva (u Asipovičach, Pružanach i Vilejcy). Na ciepłaelektracentralach adpaviedna ŭstanoŭlena rasijskaje, sumiesna rasijska-litoŭskaje, a taksama šviedskaje abstalavańnie. Na dumku premjer-ministra, taki padychod abumoŭleny nieabchodnaściu vyznačyć najbolš efiektyŭny prajekt, z tym, kab u pierśpiektyvie pavialičyć kolkaść hetych mini-CEC.
"Takija stancyi dla našaj krainy źjaŭlajucca pierśpiektyŭnymi, pakolki dajuć mahčymaść paźbiehnuć zaležnaści ad hazu", - skazaŭ Siarhiej Sidorski.