Avaryja paralizavała ruch na praśpiekcie Niezaležnaści
Ruch u bok Uručča spyniŭsia z-za avaryi ŭ rajonie Nacyjanalnaj biblijateki. Pra heta paviedamlajuć minčanie ŭ sacyjalnych sietkach.
«Paralizavany ruch pa praśpiekcie Niezaležnaści ŭ bok Uručča… Žeść, ja daŭno takoha nie bačyŭ, — piša ŭ svaim akaŭncie ŭ «Tvitary» karystalnik Nikitka. - Vializny zator u suviazi z avaryjaj».
Na miesca zdareńnia prybyli mašyny «chutkaj dapamohi». Ab paciarpiełych nie paviedamlajecca. Tym časam ruch spyniŭsia ad aŭtastancyi «Maskoŭskaja» amal da MKAD.
«Zator pa praśpiekcie Niezaležnaści da stancyi mietro «Uručča», - paviedamlaje karystalnik 6ei6ei.
Vidavočcy pišuć pra toje, što praz paŭhadziny paśla zdareńnia zator pastupova pačaŭ źnikać.