Fanaty BATE vyviesili biełaruskamoŭny banier u honar Viktara Hančarenki — fotafakt
twitter.com/FCBATE
U haściavym matčy 27-ha tura čempijanatu Biełarusi pa futbole suprać «Homiela» fanaty BATE vyviesili biełaruskamoŭny banier u padtrymku byłoha hałoŭnaha treniera kłuba Viktara Hančarenki, jaki 12 kastryčnika padpisaŭ kantrakt z rasijskim kłubam «Kubań» (Krasnadar).
Pad kiraŭnictvam Hančarenki (byŭ trenieram ad listapada 2007 h.) BATE piać razoŭ zapar zavajoŭvaŭ załatyja miedali čempijanatu krainy, trojčy hulaŭ u hrupavym raŭndzie Lihi čempijonaŭ i dvojčy — u hrupavym raŭndzie Lihi Jeŭropy.
Učora svoj pieršy matč «Kubań» pad kiraŭnictvam Hančarenki prajhrała: sastapiŭšy ŭ haściach maskoŭskamu «Dynama» ź likam 1:3, a voś BATE učora pieramoh «Homiel» 1:0 i adarvaŭsia ad «Šachciora» na vosiem bałaŭ.
A voś homielskija zaŭziatary ŭčora praviali sumnieŭnuju akcyju: jany pakłali pierad aŭtobusam BATE trunu z žoŭta-sinimi šalikami (kolery barysaŭskaha kłuba) i kavałkam miasa, namiakajučy, što barysaŭskamu kłubu budzie niaprosta, a taksama na matčy kryčali niepryhožy słohan.