BPC prapanuje zrabić Dzień Chryščeńnia Rusi vychadnym
Uračystaści z nahody śviatkavańnia 1025-hodździa Chryščeńnia Rusi ŭ Minsku, 29 lipienia 2013. Fota Siarhieja Hudzilina.
Śviaty Sinod BPC vyrašyŭ nakiravać Alaksandru Łukašenku piśmo z prośbaj ab nadańni Dniu Chryščeńnia Rusi (28 lipienia) statusu dziaržaŭnaha śviata i pa mahčymaści zrabić jaho vychadnym.
Ab hetym BIEŁTA paviedamili ŭ Biełaruskim ekzarchacie.
Jepiskapy pryniali takoje rašeńnie, zasłuchaŭšy dakład mitrapalita Minskaha i Słuckaha Fiłareta, Patryjaršaha Ekzarcha ŭsiaje Biełarusi, u jakim jon padvioŭ vyniki śviatkavańnia 1025-hodździa Chryščeńnia Rusi.
U pryvatnaści, mitrapalit nahadaŭ, što viečaram 28 lipienia 2013 hoda pačaŭsia histaryčny vizit u Minsk pradstajacielaŭ i pradstaŭnikoŭ pamiesnych pravasłaŭnych cerkvaŭ z usiaho śvietu. Tady ŭ stalicu prybyli Błažeńniejšy Papa i Patryjarch Aleksandryjski i ŭsioj Afryki Fieador, Błažeńniejšy Patryjarch Śviatoha horada Ijerusalima i ŭsioj Paleściny Fieafił III, Śviaciejšy Patryjarch Maskoŭski i ŭsiaje Rusi Kirył, Śviaciejšy i Błažeńniejšy Katalikos-Patryjarch usiaje Hruzii Ilija II, Śviaciejšy Patryjarch Sierbski Iryniej i inšyja ijerarchi.
Jany adsłužyli liturhiju 29 lipienia na minskim Zamčyščy. U Minsk była dastaŭlena i ahulnachryścijanskaja śviatynia — Kryž apostała Andreja Pieršazvanaha.
Hladzi jašče: Śviatkavańnie 1025-hodździa Chryščeńnia Rusi i niabačnaja prysutnaść Kanstancinopala