Tozik zaklikaje biełarusaŭ nie rabić «tvar, strašniejšy za śmierć»
Vysokapastaŭlenamu čynoŭniku nie padabajecca, što suhramadzianie mała ŭśmichajucca.
Lohka paśmichacca, kali maješ dom u Drazdach i šafiora. Anatol Tozik (źleva) i Piatro Prakapovič.
Namieśnik premjer-ministra Anatol Tozik zaklikaŭ biełarusaŭ nie rabić «tvar, strašniejšy za śmierć» padčas čempijanatu śvietu pa chakiei — 2014 u Minsku.
«U nas mientalitet taki, kali robiać tvar, strašniejšy za śmierć. Čaho varta adno adnamu ŭśmichnucca? Ale ŭ nas, kali ty ŭśmichnuŭsia, uźnikajuć zusim inšyja asacyjacyi», — pieradaje interfax.by słovy čynoŭnika. Jakija mienavita heta asacyjacyi, čynoŭnik nie ŭdakładniŭ.
Akramia taho, Tozik adznačyŭ prablemy, ź jakimi mohuć sutyknucca chakiejnyja zaŭziatary ŭ pobycie padčas čempijanatu.
Naprykład, małuju kolkaść aŭtaparkovak.
Aburyła vice-premjera i toje, što muziei rana zakančvajuć pracu: «Što heta takoje, kali muziej pracuje z 9 da 18? Mnie što, z pracy ŭ try sychodzić, kab trapić tudy? Za tydzień da pačatku čempijanatu śvietu i jašče tydzień paśla jaho zaviaršeńnia jany pavinnyja pracavać kruhłasutačna!» Jon prapanavaŭ, kab padčas turniru pastajanna dziejničała akcyja «Noč muziejaŭ», pieramiaščajučysia z adnaho muzieja ŭ druhi.
Čempijanat śvietu pa chakiei ŭ Minsku projdzie z 9 pa 25 traŭnia ŭ «Minsk-Arenie» i «Čyžoŭka-Arenie».