Rada BNR vystupiła z zajavaj z nahody hibieli biełarusa ŭ Kijevie
Rada Biełaruskaj Narodnaj Respubliki vykazała svaju zakłapočanaść u suviazi z hvałtoŭnymi sutyknieńniami ŭ Kijevie, padčas jakich byŭ zabity biełarus Michaił Žyźnieŭski.
«Dziejańni ŭładaŭ, jakija pryvodziać da zabojstva ŭdzielnikaŭ vuličnych demanstracyj, ničym nia mohuć być apraŭdanyja. Śmierci aktyvistaŭ «Eŭramajdanu» pavinny być pilna i prazrysta raśśledavanyja, a adkaznyja asoby pavinny być pryciahnutyja da adkaznaści ŭ adpaviednaści z zakonam, — havoryć u svajoj zajavie Rada. — Rada BNR vykazvaje svaju salidarnaść i padtrymku ŭkrainskamu narodu, jaki zmahajecca za svabodu i demakratyju suprać dyktatury, biezzakońnia i neaimperyjalizmu. Supraciŭ ukrainskaha naroda sprobam ustalavańnia aŭtarytarnaha režymu daje nadzieju na vyzvaleńnie ad dyktatury ŭsim narodam našaha rehijonu, i asabliva biełarusam. Za našu i vašu svabodu!» — tak skančajecca zajava.