Ciapier košt prajaznoha na mietro i tramvaj budzie zaležać ad kolkaści pajezdak
Minharvykankam ustanaviŭ košt prajaznych biletaŭ na tramvaj i mietro ŭ zaležnaści ad kolkaści pajezdak.
Adpaviednaje rašeńnie № 279 ad 6 lutaha 2014 hoda apublikavana 27 lutaha na Nacyjanalnym pravavym internet-partale.
Tak, košt piaci pajezdak na tramvai abo mietro składzie 14.700 rubloŭ, dziesiaci — 28.500, dvaccaci — 55.800, tryccaci — 81.900, saraka — 106.800, piacidziesiaci — 130.500, šaścidziesiaci — 153.000 rubloŭ. Zaraz miesiačny prajazny-radyjokarta na mietro raźličany na 120 pajezdak.
Rašeńnie nabyvaje moc 28 lutaha.
Jak paviedamlałasia raniej, 1 krasavika hetaha hoda prajaznyja bilety na hramadski transpart u Minsku buduć pradavacca tolki na bieskantaktnych smart-kartach (BSK). Pavodle słoŭ načalnika KUP «Minski mietrapaliten» Raścisłava Jureni, heta budzie karta, «sumieščanaja z usimi vidami transpartu. Heta značyć tyja papierki, jakija vydajucca dadatkova da našych biletaŭ na mietro na płastykavych kartach, źniknuć. Usia infarmacyja pa bilecie budzie zahaniacca na čyp adnoj radyjokary».