U Jeŭpatoryi idzie zachop braniravanaha kamandnaha punkta zienitna-rakietnaj častki
U rajonie Jeŭpatoryi rasijskija vajskoŭcy sprabujuć zachapić adzin z kamandnych punktaŭ zienitna-rakietnaj častki Pavietranych sił Uzbrojenych sił Ukrainy.
Jak paviedamiła UNIAN krynica, blizkaja da taktyčnaj hrupy «Krym» Pavietranych sił Uzbrojenych sił Ukrainy, hadzinu tamu 15 uzbrojenych vajskoŭcaŭ na hruzavym aŭtamabili zajechali na terytoryju vajennaha haradka, niejtralizavaŭšy narad kantrolna-prapusknoha punkta.
Rasijskija vajskoŭcy sprabujuć uvajści ŭ abaronieny kamandny punkt voinskaj čaści, asabisty skład jakoj znachodzicca za braniravanymi dźviaryma. Kamandziru padraździaleńnia ŭkrainskaj vajskovaj častki rasijskija vajskoŭcy zajavili, što ich metaj źjaŭlajecca nie zavałodańnie zbrojaj, a kantrol nad abaronienym kamandnym punktam.
Paralelna na ŭskrainie Sievastopala ludzi ź biełymi paviazkami na rukach padjechali da kamandnaha punkta taktyčnaj hrupy «Krym» Pavietranych sił Uzbrojenych sił Ukrainy i vyklikajuć na pieramovy kamandzira.