VAJNA — SAVIET FIEDERACYI RASII DAZVOLIŬ UVIEŚCI VOJSKI VA UKRAINU
Vojski ŭvodziacca «da narmalizacyi hramadska-palityčnaj abstanoŭki ŭ hetaj krainie».
Paviedamleńnie rasijskich infarmacyjnych ahienctvaŭ dasłoŭna:
«Prezident Rasii Uładzimir Pucin ŭnios u Radu Fiederacyi Fiederalnaha Schodu Rasijskaj Fiederacyi zvarot ab vykarystańni Uzbrojenych Sił RF na terytoryi Ukrainy da narmalizacyi hramadska-palityčnaj abstanoŭki ŭ hetaj krainie. Paviedamleńnie ab hetym raspaŭsiudziła pres-słužba Kramla.
«U suviazi z ekstraardynarnaj situacyjaj, jakaja skłałasia va Ukrainie, pahrozaj žyćciu hramadzian Rasijskaj Fiederacyi, našych suajčyńnikaŭ, asabovaha składu vajskovaha kantynhientu Uzbrojenych Sił Rasijskaj Fiederacyi, jakaja dysłakujecca ŭ adpaviednaści ź mižnarodnym dahavoram na terytoryi Ukrainy (Aŭtanomnaja Respublika Krym), na padstavie punkta «h» častki 1 artykuła 102 Kanstytucyi Rasijskaj Fiederacyi ŭnošu ŭ Radu Fiederacyi Fiederalnaha Schodu Rasijskaj Fiederacyi zvarot ab vykarystańni Uzbrojenych Sił Rasijskaj Fiederacyi na terytoryi Ukrainy da narmalizacyi hramadska-palityčnaj abstanoŭki ŭ hetaj krainie», — havorycca ŭ paviedamleńni pres-słužby».
Saviet Fiederacyi adzinahałosna padtrymaŭ uviadzieńnie vojskaŭ va Ukrainu.
Ciapier zastajecca čatyry pytańni.
— U Krymie rasijskija vojski ŭžo stajać. Ci ŭvojduć jany na ŭschod Ukrainy taksama?
— Na jakoj linii rasijskija vojski spyniacca?
— Ci budzie Ukraina akazvać uzbrojenaje supraciŭleńnie?
— Što zrobiać ZŠA i ES?