Saviet Fiederacyi razhledzieŭ zvarot Pucina: adzinahałosna
Niahledziačy na vychadny dzień, subotu, Saviet Fiederacyi sabraŭsia dla razhladu prośby Pucina pra vykarystańnie Uzbrojenych sił na terytoryi Ukrainy. Imavierna, płan dziejańniaŭ byŭ raspracavany zahadzia i zaćvierdžany na papiarednich pasiedžańniach Rady Biaśpieki. Tamu ŭsie deputaty Savieta Fiederacyi byli na miescy i pałata sabrałasia praź ličanyja chviliny paśla apublikavańnia zvarotu Pucina.
Rada pałaty i halinovyja kamitety dałažyli, što jany razhledzieli i padtrymali zvarot. Usio adzinadušna.
Vystupaje deputat: «My čuli, što Abama zajaviŭ, što Rasija doraha zapłacić za svaju palityku. Ale ja voś što chaču skazać. Bajeviki Majdanu, jakija raniej dziejničali ŭ Polščy i Litvie, chočuć raspaŭsiudzić svaje dziejańni na ŭschod Ukrainy i Krym. Hetaha dapuścić nielha. Akramia taho, Abama źniavažyŭ svajoj zajavaj narod Rasii. U suviazi z hetym my prosim prezidenta adklikać pasła Rasii z ZŠA».
Vystupaje były saviecki premjer Ryžkoŭ: «My abaviazany abaranić uschod Ukrainy — Danbas, Charkaŭ, Krym, — dzie bolšaść nasielnictva składajuć ruskija. A što tam ZŠA i roznyja inšyja šviedy havorać — heta cynizm. Treba być hatovymi, što na nas spuściać usich sabak i nam treba hnuć svaju liniju».
«Vaša słova, Tavaryš Maŭzier!» — źviartajecca inšy deputat.
Za vykazvajucca sienatary ad Rastova, ad Asiecii. «Prajekt pastanovy jurydyčna biezdakorny», — kažuć deputaty.
«My adzin narod, jaki havoryć na adnoj movie i spaviadaje adnu vieru», — kaža inšy deputat.
Hałasavańnie: 90 za, 0 suprać, 0 ustrymalisia. Adzinahałosna.