Eks-prezydent Armienii viartajecca ŭ palityku
Minułaj nočču z centralnaj prefektury palicyi Armenii byli vypuščanyja aktyvisty apazycyi, što byli zatrymanyja ŭčora ŭ Jerevanie.
Minułaj nočču z centralnaj prefektury palicyi Armenii byli vypuščanyja aktyvisty apazycyi, što byli zatrymanyja ŭčora ŭ Jerevanie. Heta adbyłosia paśla taho jak u pastarunak źjavilisia lider Narodnaj partyi Armenii Ściapan Demirčan i pieršy prezydent Armenii Lavon Ter-Pietrasian. Paśla doŭhich pieramoŭ z pradstaŭnikami pravaachoŭnych orhanaŭ apazycyjnym lideram udałosia damovicca i praź niekatory čas usie 12 zatrymanych byli vypuščanyja.
Napiaredadni viečaram pry dapamozie ślozatačyvaha hazu byli razahnanyja apazycyjanery, što abviaščali praz hukaŭzmacnialny aparat pra mitynh apazycyi, jaki maje adbycca 26 kastryčnika. U vyniku byli zatrymanyja «hałoŭnyja zavadatary», siarod jakich – hałoŭnyja redaktary hazet «Ajkakan žamanak» («Armianski čas») Nikoł Pašynian i «Čarord Išchanuciun» («Čaćviortaja ŭłada») Šahier Matevasian.