Ahulnanacyjanalnaja dyktoŭka — «Mahutny Boža»
«Pieršy raz my pisali ahulnanacyjanalnuju dyktoŭku ŭ 2008-m hodzie ŭ honar 90-hodździa BNR. Pisali va ŭsich kutočkach ziamnoj kuli, dzie tolki žyli biełarusy», — adznačajecca ŭ zvarocie.
«Letaś my pačali pierapisvać Bibliju ad ruki. I moža tak stacca, što da 500-hodździa nadrukavańnia Skarynam Psałtyra, u 2017-m my pierapišam Bibliju.
U hetym hodzie my prapanujem napisać ahulnanacyjanalnuju dyktoŭku pa tekście Arsieńnievaj «Mahutny Boža».
Ahulnanacyjanalnaja dyktoŭka moža stać ščytom dla abarony našaj movy. Našy słovy, skazanyja i napisanyja razam, mohuć stać siemiem, jakoje praraście luboŭju da Biełarusi ŭ dušach našych dzietak i ŭnukaŭ. Naša supolnaja demanstracyja moža stać ahulnanacyjanalnaj malitvaj, jakuju pačuje Boh. I stanie mahutnym himnam, jaki zahartuje našu volu dziela abarony Ajčyny».
Mahutny Boža
Mahutny Boža! Uładar suśvietaŭ,
Vialikich soncaŭ i serc małych,
Nad Biełaruśsiu, cichaj i vietłaj,
Rassyp pramieńnie svaje chvały.
Daj spor u pracy budzionnaj, šeraj.
Na łustu chleba, na rodny kraj.
Pavahu, siłu i vielič viery
U našu praŭdu, u pryšłaść daj.
Daj uradlivaść žytniovym nivam,
Učynkam našym pašli ŭmałot.
Zrabi svabodnaj, zrabi ščaslivaj
Krainu našu i naš narod!