Mienskim małočnym kambinatam časova zabaranili ekspart pradukcyi
Tym časam Ministerstva sielskaj haspadarki i charču prapanavała pavialičyć zakupačnyja ceny na małako na 25 %, jałavičynu i śvininu — na 10 %, miasa ptuški — na 7 %.
Pavodle jaho słoŭ, u najbližejšy čas źjavicca adpaviednaja pastanova Savieta ministraŭ ab pavyšeńni zakupačnych cenaŭ na žyviołahadoŭčuju pradukcyju.
Roźničnyja ceny pry hetym taksama pavialičacca, ale na sacyjalna značnyja małočnyja pradukty jany buduć pavyšanyja ŭ pamiery indeksu inflacyi. Naprykład, małako, kiefir, śmiatana padaražajuć nie bolš jak na 5%.
Pavodle słoŭ Leanida Rusaka, novyja zakupačnyja ceny na małako daduć mahčymaść kampensavać vydatki na jaho vytvorčaść.
Asablivuju ŭvahu ministar źviarnuŭ na nasyčeńnie małočnaj pradukcyjaj unutranaha rynku: nie pavinna być deficytu z‑za pavieličeńnia pastavak naturalnamałočnaj pradukcyi na ekspart, padkreśliŭ jon i zapatrabavaŭ navieści paradak u zabieśpiačeńni małočnymi praduktami staličnych handlovych pradpryjemstvaŭ. Ciapier mienskim małakazavodam ekspart aficyjna zabaronieny da taho času, pakul ajčynny rynak nie budzie nasyčany całkam. Na siońnia na staličnyja małočnyja zavody pastaŭlajecca štodzień pa 680 t syroha małaka zamiest 450 t, jakija jany atrymlivali da niadaŭniaha času. Dadatkova pastupaje syravina ź inšych rehijonaŭ krainy.
Ministar źviarnuŭ uvahu, što haspadarki, jakija pastaŭlajuć syroje małako, majuć nulavuju rentabelnaść, u toj čas jak małočnyja kambinaty mohuć atrymać dadatkovy prybytak, realizujučy na ekspart śmietankovaje masła, syry i naturalnamałočnuju pradukcyju. Pavyšeńnie ž zakupačnych cen na małako da 610 rub. za 1 kh daść mahčymaść pradpryjemstvam haliny stabilizavać finansavaje stanovišča.
Varta nahadać, što Ministerstva ekanomiki ŭličyła raniejšuju prapanovu Ministerstva sielskaj haspadarki i charču ab padvyšeńni zakupnych cenaŭ u suviazi z padarežańniem koštu syraviny. Adpusknyja ceny na małako, kiefir, tvaroh i śmiatanu ŭ kastryčniku i listapadzie vyrastuć na 3%, u śniežni — na 2%. Adnačasova ŭrad padvysiŭ zakupnyja ceny na małako na 10% u suviazi z rostam cenaŭ na suśvietnym rynku.