Čamu na ŭpakoŭcy «Biełryby» sierbski ściah ź biełaruskim arnamientam?
Błohier Hleb Łabadzienka siońnia źviarnuŭ uvahu na dziŭnuju ŭpakoŭku pradukcyi kampanii «Biełryba».
File sieladcoŭ «Maćje», što pradajecca pad handlovaj markaj «Rybzavod», azdoblena sierbskim ściaham — jon vyhladaje, jak pierakuleny rasijski ściah. U dadatak na biełuju pałasu ściaha naniesieny błakitny biełaruski arnamient, identyčny arnamientu na dziaržaŭnym ściahu Biełarusi.
Chto i ź jakoj metaj stvaryŭ takuju kampazicyju, karespandent «NN» spytaŭ u načalnika adździeła markietynha AAT «Biełryba» Rusłana Aniśkava.
«Hetaja ŭpakoŭka stvarałasia jašče ŭ 2008 hodzie pradpryjemstvam «Minskrybpram». Adnak «Minskrybprama» ŭžo faktyčna nie isnuje, tamu zapytać dyzajnieraŭ upakoŭki, što jany mieli na ŭvazie, ja nie mahu.
Ludzi nasamreč źviartajucca da nas z pytańniami. Chtości bačyć na ŭpakoŭcy sierbski ściah, chtości rasijski. My vykarystoŭvali plonku dla ŭpakoŭki, bo jaje treba było vypracavać: viedajecie, užo zakuplenuju ŭpakoŭku nie pryniata vykidać.
Adnak niadaŭna plonka skončyłasia, i «Biełryba» bolš nie płanuje vypuskać pradukcyju pad markaj «Rybzavod». Tamu nieŭzabavie file ŭ hetaj upakoŭcy źniknie z pryłaŭkaŭ», — patłumačyŭ Aniśkaŭ.