U Minsku pačali adklučać aciapleńnie ŭ žyłych damach
U Minsku pačałosia adklučeńnie aciapleńnia ŭ žyłym siektary.
Ab hetym paviedamiŭ siońnia žurnalistam načalnik upraŭleńnia haradskoj haspadarki i enierhietyki Minharvykankama Dźmitryj Jančy
«Zhodna z praviłami adklučeńnie aciapleńnia pravodzicca, kali na praciahu troch dzion siaredniasutačnaja tempieratura składaje plus 8 hradusaŭ. U Minsku ŭžo ŭstojlivaja plusavaja tempieratura, a na vychadnyja prahnazujecca da 20 hradusaŭ ciapła.
Siońnia staršynioj Minharvykankama było padpisana rasparadžeńnie ab adklučeńni aciapleńnia va ŭsich katehoryj spažyŭcoŭ. Da paniadziełka padača ciapła ŭ Minsku budzie spyniena», - skazaŭ Dźmitryj Jančyk.
Adnačasova z žyłymi damami aciapleńnie budzie adklučacca ŭ haścinicach, internatach, navučalnych ustanovach, dziciačych sadkach, škołach, balnicach, inšych miedycynskich i sacyjalnych ustanovach, a taksama muziejach, dziaržaŭnych archivach, biblijatekach.
Padača ciapła ŭ hramadskich, administracyjnych budynkach i pramysłovych pradpryjemstvach była spyniena ŭ Minsku z 25 sakavika.