Studenty Łuhanskaha ŭniviersiteta vyjšli na mitynh za adzinstva Ukrainy
17 krasavik kala Łuhanskaha nacyjanalnaha univiersiteta imia Šaŭčenki na mitynh u padtrymku adzinaj Ukrainy sabralisia kala tysiačy čałaviek.
Da navučalnaha korpusa ŭniviersiteta pryjšli nie tolki studenty VNU Łuhanska, ale i zvyčajnyja haradžanie.
Mnohija byli sa ściahami Ukrainy i płakatami. Niekatoryja pryjšli ŭ vyšyvankach.
Rektar Łuhanskaha nacyjanalnaha univiersiteta zaklikaŭ zrabić Łuhansk zonaj svabodnaj ad zbroi.
Taksama jon dadaŭ, što dla taho, kab stabilizavać situacyju va Ukrainie, nieabchodnaja poŭnaja pierazahruzka ułady.
Mitynh achoŭvali milicyjaniery i pradstaŭniki Łuhanskaj sotni samaabarony. Mierapryjemstva prajšło biez ekscesaŭ.