U minskim mietro praviali akcyju salidarnaści z najmałodšym biełaruskim palitviaźniem — Jaŭhienam Vaśkovičam FOTA
Maładyja chryścijanskija demakraty praviali 17 krasavika akcyju ŭ minskim mietro, jašče raz nahadaŭšy z dapamohaj ulotak mienčukam i uładam pra situacyju ź biełaruskimi palitviaźniami, i pieradusim ź siabram BCHD Jaŭhienam Vaśkovičam, paviedamlaje bchd.info
Za sprobu padpału ŭ noč na 17 kastryčnika 2010 hoda budynka KDB u Babrujsku, u jaki byli kinutyja butelki z zapalnaj sumieśsiu, Jaŭhien Vaśkovič razam z Arciomam Prakapienkam i Paŭłam Syramołatavym 18 maja 2011 hoda byŭ asudžany na padstavie č. 2 art. 339 (złosnaje chulihanstva) i č. 3 art. 218 (naŭmysnaje źniščeńnie abo paškodžańnie majomaści ŭ asabliva bujnych pamierach) Kryminalnaha kodeksa na siem hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
Vaśkovič — adzin z najmałodšych biełaruskich palitviaźniaŭ. Jaho asudzili za napad na budynak KDB u Babrujsku, jaki adbyŭsia ŭ noč z 16 na 17 kastryčnika 2010 hoda.
U napadzie nichto nie paciarpieŭ, a realnyja straty skłali 253 tysiačy rubloŭ, jakija byli kampiensavanyja. Niahledziačy na heta, Jaŭhiena Vaśkoviča sud prysudziŭ da siami hadoŭ źniavoleńnia ŭ kałonii ŭzmocnienaha režymu. Jaŭhien niekalki razoŭ admaŭlaŭsia pisać prašeńnie ab pamiłavańni, a z kastryčnika 2011 h. pa studzień 2014 h. 247 sutak pravioŭ u štrafnym izalatary.
Vaśkovič Jaŭhien Siarhiejevič siadzić u turmie №4, 212011, h. Mahiloŭ, vuł. Krupskaj, 99A.