Ministar pracy staŭ staršyniom Federacyi lohkaj atletyki
Ministr pracy i sacabarony Uładzimir Patupčyk vybrany siońnia na spravazdačna-vybarnaj kanfierencyi Biełaruskaj fiederacyi lohkaj atletyki (BFŁA) staršynioj hetaj arhanizacyi. Za jaho prahałasavali 91 z 97 delehataŭ forumu.
Usiaho było 4 kandydatury, akramia Patupčyka na hetu pasadu pretendavali biźniesmien Siarhiej Kaśjanienka, Alaksandr Rudskich (jaki ŭznačalvaŭ BFŁA da 2003 hoda) i Anatol Badujeŭ. Apošnija dvoje źniali svaje kandydatury na karyść Patupčyka.
Na hetaj pasadzie Patupčyk źmianiŭ Leanida Michajłoŭskaha, jaki ŭznačalvaŭ BFŁA z červienia 2003 hoda.
Namieśnikam staršyni BFŁA zastaŭsia hałoŭny trenier zbornaj Biełarusi pa lohkaj atletycy Anatol Badujeŭ. Hienieralnym sakratarom vybrana staršy trenier nacyjanalnaj kamandy pa lohkaj atletycy Taćciana Ledaŭskaja. Taksama vybrany prezidyum u składzie 20 čałaviek.