Łukašenka pryniaŭ davierčyja hramaty pasłoŭ vaśmi zamiežnych dziaržaŭ
Alaksandr Łukašenka 13 maja pryniaŭ davierčyja hramaty pasłoŭ vaśmi zamiežnych dziaržaŭ.
Davierčyja hramaty kiraŭniku biełaruskaj dziaržavy ŭručyli dypłamaty z Aŭstralii, Hrecyi, Italii, Kambodžy, Kitaja, Sierbii, Sudana i Čechii.
«Spadziajusia, što vaša aktyŭnaść, inicyjatyŭnaść, abjektyŭnaść daduć adčuvalnyja praktyčnyja vyniki ŭ Biełarusi, daduć mahčymaść uziać novuju vyšyniu ŭ dvuchbakovym supracoŭnictvie. U vašych siłach pašyryć jaho ramki, pryŭnieści bolš pazityvu i raznastajnaści, paznajomić, zblizić i ŭzajemna ŭzbahacić našy kultury, sadziejničać aktyvizacyi biźniesu i prosta čałaviečych kantaktaŭ», — skazaŭ Łukašenka.
Kiraŭnik dziaržavy harantavaŭ, što zamiežnyja pasły na biełaruskaj ziamli sustrenuć hatoŭnaść da vyrašeńnia absalutna lubych pytańniaŭ, imknieńnie da plonnaj i vynikovaj sumiesnaj raboty. «My zrobim usio, kab adnosiny z krainami, jakija vy pradstaŭlajecie, stali dastojnym prykładam družby i dziełavoha partniorstva», — zapeŭniŭ biełaruski lidar.
«Ja zrablu ŭsio dla taho, kab, kali pryjdzie čas ratacyi i vašaha adjezdu ź Biełarusi, vy ab hetym vielmi mocna paškadavali. Ja chaču, kab naša Biełaruś stała vašym druhim domam. Tak było amal z usimi pasłami, jakija byli ŭ nas u krainie, pradstaŭlali vašy dziaržavy», — dadaŭ Łukašenka.