Mitrapalit Pavieł lubić pryhožy sport i zaklikaje admovicca ad azartnych hulniaŭ
Mitrapalit Pavieł na pres-kanfierencyi 13 maja ŭ Minsku pryznaŭsia, što jamu padabajecca «pryhožy sport».
«Mnie padabajecca pryhožy chakiej, futboł, — skazaŭ jon. — Kali byŭ studentam sieminaryi, ja hulaŭ u valejboł, heta moj lubimy sport. Kali byŭ maleńki, haniaŭ u futboł».
Pravasłaŭny ijerarch paviedamiŭ, što inšym razam hladzić snukier (vid hulni ŭ biljard, jaki adroźnivajecca praciahłaściu partyj) i navat «sam inšym razam zachaplaŭsia hulnioj u biljard». «Čempijanat śvietu pa futbole ja hladžu. Ale heta nie aznačaje, što ja za kahości pieražyvaju. Mnie padabajecca, kali pryhoža hulajuć, ale kali bjuć, robiać niejkija padsiečki, prymianiajuć fizičnuju siłu, niadaŭna ja daviedaŭsia, što tam kamuści jašče i šyju złamali…» — skazaŭ jon.
Siońnia sam sport «adychodzić na druhi płan», sa škadavańniem zaznačyŭ mitrapalit Pavieł, a najbolš jarka prajaŭlajecca «taki składnik, jak biźnies».
Jon raskazaŭ, što adnojčy pabyvaŭ u amierykanskaj stalicy azartnych hulniaŭ Łas-Viehasie, «pahladzieŭ, jak tam hulajuć». Uładyka padkreśliŭ, što nie hulaje «ŭ azartnyja hulni, tym bolš ź dziaržavaj», i paraiŭ usim tak rabić. Adpaviednaje ž staŭleńnie ŭ jaho i da łatarej.
«Chočacca pažadać, kab sport raźvivaŭsia, kab u ludziej byŭ dobry spartyŭny kirunak intaresu, ale kali heta pieratvarajecca ŭ žorstki azart, kali ludzi robiać na stadyjonie staŭki i, ničoha nie atrymaŭšy, pačynajuć kidać vybuchovyja pakiety — ja suprać hetaha», — dadaŭ mitrapalit.