Dačka Brusa Uilisa pratestuje suprać Instagram aholenymi hrudziami FOTAFAKT
Dačka Brusa Uilisa i Demi Mur Skaŭt Uilis uskałychnuła Internet pratestam suprać niespraviadlivych praviłaŭ fotaservisa Instagram.
Skaŭt Uilis u Ńju-Jorku. Fota z Twitter.
Sprava ŭ tym, što akaŭnt Skaŭt Uilis byŭ deaktyvavany administracyjaj fotaservisa praz utrymańnie «vyjaŭ aholenych ciełaŭ». Instagram nie dazvalaje publikavać fatazdymki žanočych hrudziej z aholenymi smočkami i vydalaje takija zdymki. U liście da Skaŭt Uilis kiraŭnictva servisa patłumačyła, što častka aŭdytoryi kampanii «baluča ŭsprymaje padobny kantent».
Pry hetym da aholenych mužčynskich torsaŭ Instagram nie prymianiaje nijakich sankcyj.
Takaja karparatyŭnaja palityka nadzvyčaj aburyła Skaŭt Uilis. U padtrymku pakryŭdžanych žančyn 22-hadovaja Skaŭt prajšłasia pa Ńju-Jorku toples, a fatazdymki jaje špacyru byli źmieščany ŭ svaim Twitter. U hetym horadzie jak mužčyny, tak i žančyny mohuć źjaŭlacca toples u publičnych miescach absalutna lehalna.
Akcyja Skaŭt padtrymała šyrokuju padtrymku i pryciahnuła ŭvahu da internet-kampanii #FreeTheNipple («Svabodu cmočkam»), jakaja damahajecca źniać zabaronu na publikacyju žanočych hrudziej u Instagram.