Siarhiej Rutenka: Vielmi mnohija ŭ biełaruskim handbole pracujuć na hołym entuzijaźmie
Lepšy biełaruski handbalist sučasnaści Siarhiej Rutenka zaklikaŭ Ministerstva sportu i turyzmu padtrymać fiederacyju pa hetym vidzie sportu.
«My chacieli b syści i pakinuć paśla siabie moładź, jakaja budzie lepšaj za nas. Ale heta mahčyma tolki pry sumiesnaj pracy. Ja spadziajusia, što my robim adnu spravu», — zajaviŭ hulec na spravazdačna-vybarnaj kanfierencyi BFH 10 lipienia. Pavodle jaho słoŭ, vielmi šmat u handbole robicca na hołym entuzijaźmie.
Jak zajaviŭ Rutenka, za apošnija hady mužčynkaja zbornaja, a taksama kłuby «Dynama» (Minsk) i BHK imia Miaškova svaimi pośpiechami praviadli vialikuju pracu pa «pa rekłamie dziaržavy ŭ jeŭrapiejskich krainach» nie tolki ŭ sporcie, ale i ŭ «sacyjalnym žyćci».
Z zaklikam da Minsportu iści nasustrač u pytańniach finansavańnia z ulikam rostu vynikaŭ vystupiŭ na kanfierencyi staršynia BFH Uładzimir Kanaploŭ, abrany na treci čatyrochhadovy termin.