Žychar Hrodna ckraŭ z zaaparka nasuchu
U dačynieńni da 42-hadovaha žychara Hrodna raspačata kryminalnaja sprava za kradziež ź miascovaha zaaparka nasuchi — maleńkaha pušystaha źviarka z doŭhim nosam i vialikim pałasatym chvastom.
Jak paviedamili va UUS Hrodzienskaha abłvykankama, na terytoryi zaaparka jość «Babulin dvoryk», śpiecyjalna adviedzienaje miesca, dzie možna pahładzić biaśpiečnych žyvioł i sfatahrafavacca ź imi. Amatar pryrody pryjšoŭ tudy. Pryčym, pavodle słoŭ vidavočcaŭ, mužčyna navat razmaŭlaŭ z žyviołami, doŭha hładziŭ pušystaha źviarka, a zatym nieprykmietna sunuŭ za pazuchu i pajšoŭ.
Prapažu vyjavili supracoŭniki zaaparka tolki viečaram, kali adpraŭlali žyvioł u svaje valjery. Źviarnuli ŭvahu, što ŭ maci-nasuchi nie chapaje adnaho dzicianiaci. Tady i źviarnulisia ŭ milicyju.
Pravaachoŭniki ź Leninskaha rajadździeła milicyi zanialisia pošukami žyvioliny. U pracesie pošuku supracoŭniki źviarnuli ŭvahu na śviežuju abjavu ŭ internecie — ab prodažy redkaj nasuchi.
Kali hutaryli z pradaŭcom, vyśvietliłasia, što heta toj samy źviarok, jaki i byŭ ukradzieny. Mužčyna va ŭsim pryznaŭsia, jaho zatrymali.
Padrabiaznaści hetaj niezvyčajnaj historyi jašče ŭstanović śledstva. Žyviolina viernuta ŭ zaapark da svajoj siamji.