Parubij nazvaŭ Pucina novym terarystam №1 u śviecie
Sakratar Rady nacyjanalnaj biaśpieki i abarony Ukrainy Andrej Parubij nazvaŭ prezidenta Rasii Uładzimira Pucina terarystam №1 u śviecie.
Pra heta jon napisaŭ na svajoj staroncy ŭ Facebook.
«Daŭ intervju Washington Post. Klučavoje ich pytańnie — jak dapamahčy ŭ rasśledavańni teraktu — źniščeńni samalota Małazijskich avijalinij, bo bajeviki pieraškadžajuć rasśledavańniu na miescy. Skazaŭ im toje, što paŭtaraŭ ŭžo šmat razoŭ — u nas idzie nie prosta ŭkraina-rasiejskaja vajna. Śviet pavinien zrazumieć, što heta — hłabalnaja vajna jadziernaj dziaržavy-terarysta, na čale z terarystam №1, suprać suśvietnaj sistemy biaśpieki. Prosta Ukraina, jak časta heta było ŭ historyi, viadzie bai na pieradavoj», — adznačyŭ Parubij.
«Jašče niekalki miesiacaŭ tamu ŭ svaich vystupach ŭ Brusieli na samicie NATA ŭ Vilni ja zaklikaŭ stvaryć antypucinskuju kaalicyju. Siońnia strašnaja trahiedyja va Ukrainie prademanstravała, što pahroza Pucina — hłabalnaja. Nielha pad jaho padładžvacca — treba ŭvodzić žorstkija sankcyi, kab spynić Pucina, i dapamahać Ukrainie z uzbrajeńniem. Bo nieviadoma, hramadzianie jakoj krainy apynucca pad prycełam zbroi Pucina zaŭtra», — dadaŭ sakratar RNBA.