Miłonaŭ prapanavaŭ zabaranić vystupy Ivana Dorna: «Tyja, chto ŭschvalajuć zabojcaŭ, u Rasii śpiavać nie buduć»
Pieciarburhski deputat Dziarždumy RF Vital Miłonaŭ aburyŭsia vystupam papularnaha śpievaka Ivana Dorna na «Novaj chvali», jaki vyjšaŭ na scenu ŭ majcy z tryzubcam i praśpiavaŭ pieśniu na ŭkrainskaj movie.
Parłamientaryj prapanavaŭ vyklučyć z ratacyi rasijskich telekanałaŭ usie klipy Dorna i zabaranić jamu vystupy ŭ Rasii. Pra heta Miłonaŭ zajaviŭ u intervju radyjostancyi «Hovorit Moskva».
«Naturalna, takija ludzi, jak Ivan Dorn, paśla takoj vychadki mohuć śpiavać u Lvovie, Ivana-Frankoŭsku, mohuć śpiavać dzie zaŭhodna, ale tolki nie ŭ Rasii. Pakul Dorn sprabuje chadzić u trusikach abo staniku z tryzubcam, chaj chodzić dzie zaŭhodna, ale tolki nie ŭ Rasii. U Rasii śpievaki, jakija ŭschvalajuć zabojcaŭ, śpiavać nie buduć, vystupać nie buduć, ni kapiejki zarablać tut nie buduć. Nijakaj ratacyi, nijakaj prapahandy hetych dornaŭ», — skazaŭ Miłonaŭ.
Raniej u padtrymku Ivana Dorna na svajoj staroncy ŭ Facebook vykazaŭsia Aleh Ciahnibok. Vital Miłonaŭ pažadaŭ, kab hetaja padtrymka ŭ dačynieńni da artysta nie słabieła.
«Miarkujučy pa ŭsim, talentu tam nie vielmi šmat, tamu ŭstupaje ŭ siłu epataž. Ja jamu ščyra žadaju, kab padtrymka z boku ŭkrainskich nacyjanalistaŭ nie słabieła i, kab jon całkam pahruziŭsia ŭ biezdań absalutnaj jeŭrapiejskaj intehracyi: jamu nieabchodna nadzieć spadnicu, adraścić nievialikuju baradu i abviaścić, što jon źjaŭlajecca homaseksualistam, i tady jon budzie całkam jeŭraintehravanym ukropam», — skazaŭ Miłonaŭ.