Zatrymany padazravany ŭ źniknieńni 18-hadovaj Julii Sałamacinaj
Pravaachoŭniki zatrymali 27 lipienia padazravanaha ŭ datyčnaści da źniknieńnia ŭ Minsku Julii Sałamacinaj.
Pra heta paviedamiŭ siońnia žurnalistam pieršy namieśnik načalnika HUUS Minharvykankama Uładzimir Rudziškin.
U suviazi sa źniknieńniem dziaŭčyny była raspačata sprava pa art.139 KK (zabojstva).
Upraŭleńnie kryminalnaha vyšuku HUUS Minharvykankama adšukvała minčuka Paŭła Ciniaŭskaha 1988 hoda naradžeńnia dla pravierki na datyčnaści da zabojstva Julii Sałamacinaj 1995 hoda naradžeńnia.
Dziaŭčyna źnikła 18 lipienia ŭ rajonie vulicy Prytyckaha ŭ doma №51. Paŭła taksama apošni raz bačyli ŭ hetym miescy, jak i jaho maci — Halinu Ivanaŭnu Ciniaŭskuju 1966 hoda naradžeńnia.
Julija pryjechała na spatkańnie z chłopcam sa Smalavickaha rajona.