Sud nad byłoj pryjomnaj maci Irynaj Mocnaj u Klimavičach pieraniesieny na 5 žniŭnia
Sud Klimavickaha rajona (Mahiloŭskaja vobł.) 4 žniŭnia pieranios pasiedžańnie pa administratyŭnaj spravie ab samaŭpraŭstvie, pa jakoj prachodzić byłaja pryjomnaja maci vaśmiarych dziaciej Iryna Mocnaja, na 5 žniŭnia.
Jak paviedamiła Iryna Mocnaja, u jakaści abaroncy joj była vyznačana advakat Klimavickaj kalehii advakataŭ Kaciaryna Hadunova. «Mnie daŭ sud advakata biaspłatnaha, ale kali ja da jaje pryjechała, jana sa mnoj razmaŭlała jak abvinavaŭca, tamu ja vykazała joj niedavier siońnia ŭ sudzie. I ciapier budu šukać inšaha advakata», — skazała byłaja pryjomnaja maci, paviedamiŭšy, što pasiedžańnie adkładziena da 5 žniŭnia.
Iryna Mocnyja skazała, što sprabuje naviedać svaich byłych pryjomnych dziaciej, jakija zaraz znachodziacca ŭ mahiloŭskim dziciačym domie, ale jaje tudy nie puskajuć. Pavodle jaje, pry znosinach ź dziećmi pa telefonie jany płakali i chacieli viarnucca da jaje.
Rajonnyja ŭłady pazbavili Mocnuju prava apieki nad dziećmi nieŭzabavie paśla samahubstva ich pryjomnaha baćki Viktara, muža Iryny.
Adnak žančyna nie pahadziłasia z takim rašeńniem, źviartałasia ŭ roznyja instancyi z prośbaj dazvolić i dalej vychoŭvać dziaciej.