U Stolinskim rajonie niepaŭnahadovuju maci padazrajuć u zabojstvie niemaŭlaci
1 žniŭnia ŭ Stolinskim rajonie byŭ znojdzieny pakiet z trupam novanarodžanaha dziciaci. Padazrajuć 17-hadovuju maci. U milicyju źviarnuŭsia jaje muž.
Jak paviedamiŭ BiełaPAN aficyjny pradstaŭnik upraŭleńnia SK pa Bresckaj vobłaści Rusłan Makaruk, palimierny pakiet ź ciełam novanarodžanaj dziaŭčynki byŭ znojdzieny ŭ prybiralni ŭ dvary doma pa miescy žycharstva 17-hadovaj žycharki Stolinskaha rajona.
Śledstvam vyśvietlena, što miž 20 vieraśnia i 10 kastryčnika 2013 hoda ŭ svajoj chacie jana naradziła dziaŭčynku, pakłała dzicia ŭ pakiet i vykinuła ŭ tualet.
Z zajavaj u Stolinski RAUS pa hetym fakcie źviarnuŭsia muž padazravanaj.
Pryznačany šerah sudovych ekśpiertyz. Vyśviatlajucca ŭsie abstaviny zdareńnia. Dziejańni padazravanaj kvalifikavanyja jak zabojstva zaviedama małaletniaha. Na dadzieny momant jana zatrymanaja.